Veer zeen Dröppel en ut Limburgs Wearmeadje
Veer venge spelenderwies leren 🖤Stikke leuk.
Veer goan gear D'rop Oet
En veer beleave leuke avonturen
𝕶𝖊𝖓𝖏𝖊𝖗 𝖕𝖑𝖆𝖙 𝖑𝖊𝖗𝖊𝖓
𝕳𝖎𝖑𝖙 𝖚𝖙 𝕷𝖎𝖒𝖇𝖚𝖗𝖌𝖘 𝖎𝖓 𝖊𝖗𝖊𝖓
De kerst weer veurbie
Moandig op sjwoal weer in de rie
Nog effe de kerstboam aan de kantj maken
Zwoa dat veer weer in ut gereel raken
De pap en mam goan weer noa de baas
Ut geweune leave begint weer helaas
Dit weekend nog effe knallen
En dan aaftelle tot dat ich ken goan carnavallen
Kense dat auch ut is zwoa drök de letste weake van ut joar???
De baas of sjwoal wilt nog gauw vanalles.. en dich wils vrie.
Gein proefwerken of nog stapels papier op dien buro.
Ich loap heerlijk te zenge door ut hoes:
"It's Beginning to Look a Lot Like Christmas" en tel de daag tot kerst aaf.
Dröppel kump auch benne en ich vertel uhm dat ich gaer de kerstboam wil opzette. Dröppel zaet: dan motte veer waal nog get kerstspullen hoale bie ut tuincentrum.
Zoaterdig hawwe veer alle 2 vrie en gingen nao ut tuincentrum.
Bohh...echt prachtig die kerst shows.
Ut liek waal ein attractiepark.
Veer gooide ös kerke good vol mit allemoal leuke kerstspullen.
Smiddigs ginge veer mit de auto nog eine kerstboam hoale mit kloet. Dea hilt zich namelijk langer
Dröppel en ich spraoke aaf dat veer goonsdig de boam ginge opzetten
Eindelijk woar ut goonsdig. Boete dege veer de boam in eine grote pot paote.
En veer sleipte dea same noa benne.
Toen begooste veer de boam op te tuige. Eerst de lempkes. Toen de ballen. En es letste de Piek.
Tenminste dat woar de bedoeling???
Mer wie veer auch probeerde veer kregen de piek neet in de boam.
Veer klomme op de stool , op ein krukske, op de erm leuning van de bank. Mer wat veer auch probeerde veer kregen de piek neet op de boam.
En noe dan🤷🏽♀️
Veer woare meug en gingen noa bed.
En veer kooste neet sloape. De sjwoane , splinternuuje piek moos toch neet in een doos op de toafel stoan??? Dea mot toch op de ein of angere meneer in de baum. Opeins haw Dröppel ein good idee 🤔
De volgende daag ging Dröppel metein noa Sjeng. Sjeng is sjilder en haet ein ludder. Gein gewone ludder mer ein oetschuifbare. Ich zoat veur de vinster te koekeloeren...wat kump doa de stroat in??? Ut woare Dröppel en Sjeng ze drogen samen de grote ludder.
Dröppel en ich mooste de ludder stevig vast hawwe en Sjeng klom der op. Heel röstig traej veur traej want Sjeng haw in ein hendj de piek.
Ich kreeg waal ein bietje pien aan mien spierballen van de ludder zwoa stevig vast te hawte. Dröppel neet want dea geit ummer sporten. Esse get gear wils dure minuten, oere ... hub geer dat auch ???
Mer eindelijk woar Sjeng boave op de ludder en zat veurzichtig de piek der op.
Om Sjeng te bedanken brach ich Sjeng paar daag later eigen gebakken waffele. Dat hoof toch neet zei Sjeng. Mer eine daag later woare ze al op gepeuzeld.
Kerst kent veur ös beginnen.
Vrolijk kerstfeest allemoal 💚
Groetjes,
Dᵣöₚₚₑₗ ₑₙ ₗᵢₘbᵤᵣgₛ Wₑₐᵣₘₑₐdⱼₑ
De vakantie is veurbie dus de camper steit op de oprit. Mer vanmurge is toch get raars gebeurt.. Dröppel en ich wouwe boodschappen goan doon. Veer schrokke ös kapot. De deur van de camper stong oape.... Wie koos dat noe ????
Veer gingen veurzichtig noa benne. Dröppel veurop, dea woar neet bang. Ich waal ich vong ut ein bietje spannend. Einmoal benne zoage veer metein dat gelökkig niks kapot woar.
Mer wat lik hie noe??
Eine pyjama 🤷🏽♀️
Ein breefke van Piet Pedro. En ein hendje pepernoten 🍪🍪
Wat zou dit beteikenen allemoal 🤷🏽♀️
Dröppel wilt ut oet zeuke.... Ich weit neet of ik dat waal wil. Is ut waal echt woar 🤷🏽♀️ of is ut eine inbreaker??? Motte veer de pliesie belle....
Dröppel stelde mich geröst. En dus ginge veer boete op de loer ligge. Veer hawwe de telescoop bie os. En veer zoage auch de prachtige moan 🌕
Toen heurde veer gestömmel...woare dat veut step 🤷🏽♀️
En doa stong veer dan aug in aug mit eine roetveeg piet , zou dat Pedro zeen?
Pedro zat ein stepke korter bie en zei metein: Hoi Dröppel en Limburgs Wearmeadje, sorry dat ich de caravan in gebroek hub genomme? Mer ich zit echt in de problemen.... In de problemen wat is dan aan de hendj🤷🏽♀️
Veer maakte os ein vuurke bie de caravan want ut woar bes frisj. Pedro haw ut neet kawt dea is dat gewend.
En Pedro vertelde os dat der in de pakjes kamer ein probleem woar omdat der ein griep heerste onger de roetveeg pieten.
Pedro zoat mit de heng in ut hoar, wie mooste noe alle pekskes optied ingepakt zeen????
Gelökkig haw sinterkloas niks in de gaten. Dea bezocht gewoon euveral de kenjer en de sjwoale
Veer ginge snel mit Pedro mit. En keeke ozze auge oet. Wat waas die pekskes kamer groot 👀 Dröppel koos ut neet loate om zwoa noe en dan get speelgood te teste. Oere ginge veurbie ... misschien waal dagen 🤷🏽♀️ Gelökkig woare der genog pepernoten dus honger hawwe veer neet. Zou alles optied ingepakt zeen ????
Onger tusje zurgde Pedro derveur dat alle sjeunkes woare gevuld. Hij ging door wear en wendj. Auch Pedro waas ein bietje grieperig. Mer mit de vitamines van de appeltjes van oranje 🍊 en get dikkere kleier koos Pedro toch doorwirken
Ohhh nei hè , ut inpak papier is op. En noe dan 🤷🏽♀️ Hoofdpiet haw ein oplossing en belde mit Schiphol de luchthaven in Amsterdam. Of ein vliegtuig ✈️ inpakpapier koos mit numme oet Spanje. Ze mooste dan effe noa ut kasteel van Sinterkloas. Gelökkig wilde ut vliegtuig personeel dat waal doon.
Puntjes op de i zette 🤷🏽♀️ ich heur uch al zekke wat is dat?? Dat beteikent de letste denger nog doon. Dat kooste de roetveeg pieten gelökkig zelf. Want Dröppel en ich mooste gauw weer eine PODCAST goan make. Sinterkloas koam os nog persoonlijk bedanke veur ozze hulp. En vertelde os dat de meiste roetveeg pieten weer woare opgeknapt van de griep en kloar woare om alle kenjer ein sjwoan Sinterkloas feest te bezurge.
𝔼𝕚𝕟𝕕 𝕘𝕠𝕠𝕕 𝕒𝕝 𝕘𝕠𝕠𝕕
Fijne Sinterkloas
Groetjes,
Dᵣöₚₚₑₗ ₑₙ ₗᵢₘbᵤᵣgₛ Wₑₐᵣₘₑₐdⱼₑ
